Andreas Rotevatn, Side Brok og Mari Kvien Brunvoll slår seg saman på den energiske og leikne "Mellom saltvatn og sola"

Ein journalist fra Bergens Tidende har skildra musikken til Rotevatn sånn: "Tenk at musikk kan være så leken og innfallsrik, så energisk, drivende og kødden, så smart og så dum! Musikken er pop, men ikke popete. Det er jazzete, men ikke jazz. Men hvem bryr seg egentlig om slike kategorier? Rotevatn er rett og slett grisebra musikk. Terningkast 6." Audun Vinger, som såg Andreas Rotevatn spele foran ein stappfull sal med 500 mennesker på Vossajazz 2026, skreiv forundra: "Det er egentlig ingen grunn til at dette her fra en ganske ukjent trombonist skal få noe publikum. Men det var rett og slett fullt i Gamekinoen denne kvelden. Hva er det som skjer?"

Då Rotevatn hadde laga første demo til denne låta, tenkte han: "Jaggu det! Ditta må vere den gladaste låta eg har skrive nokon gong. Og steike for ein energi." "Mellom saltvatn og sola" blandar saman ein Jackson 5-esque groove med K-popaktige instrumentalmelodiar, hissige tromboner og eit steikje bra band* for å skape nettopp det - energi!

No er det jo ei merkeleg tid vi lever i, med krig, klimakrise og demokratiske krefter i nedgåande kurve. At så energisk og livleg musikk skal fødast ut av eit slikt klima, kunne ein kanskje tru var eit paradoks. Andreas meiner tvert om at det er heilt naturleg: 

"Beste eksempelet på at noko mørkt og deprimerande skapar lys og glede er jo jazzen! Tenk på dei som opprinneleg starta å spele den sjangeren, makan til livleg musikk! Den tidlege jazzen har jo til og med tilnamnet "gladjazz". Og dei som spelt den, kven var dei? Slavar! Eller etterkomarar av slavane, og offer for eit av dei mørkaste kapitla i nyare historie."

Vokalist og improvisatør Mari Kvien Brunvoll er med på låta og tilfører si unike stemme og melodiføring. I fleire år har Rotevatn hatt stor glede av å høyre på bandet Building Instrument (som nyleg vant Spellemann i Åpen klasse), kor Brunvoll er ein essensiell del. 

Tekstleg hentar låta inspirasjon frå Dante "Som seg fann | Att i tjukke, svarte skogen" og Håvamål "Treng du eit gjetord gjævt?". Men Rotevatn ynskjer ikkje å kaste kring seg med litterære referansar som eit mål i seg sjølv. Heller trur han det er mykje å finne i historia i møte med vanskelege spørsmål i livet i dag. Kva er eit godt liv, og er det ikkje so at "Hver gledesstund du fikk på jord, betales må med sorg" som Bjørnstjerne Bjørnson skriv det? Kanskje ikkje heider og ære er noko å trakte etter likevel.

Ein tekstleg helt for Rotevatn er Runar Gudnason, rapparen i Side Brok. Andreas har vekse opp med platene hans, og kan mykje tekstane utanboks. Gudnson fekk frie tøylar, og valgte å lage ein mash up av alle tekstane til heile plata i rap-vers. Ei slags meistersonate? Med sin heilt eigen Side Brok-vri, sjølvsagt!

Albumet Mellom saltvatn og sola kjem ut 4. september på Grappa, som er ein del av Sounds Like Gold. Andreas Rotevatn spelar fleire festivalar i år, mellom anna Vossajazz, Vinjerock og Ranglerock.

*Andreas Rotevatn - trombone, tangentar & vokal 
Sander Nordahl - gitar
Nikolai Hængsle - bass
Elias Tafjord - trommer