Ny studie: Svake statar har ikkje nødvendigvis øydelagde samfunnskontraktar

Forsking frå Mali og Liberia visar at sårbare statar ikkje nødvendigvis manglar eller har svake samfunnskontraktar – dei har berre heilt andre enn dei me vanlegvis tenkjer på. 

I Mali er statleg kapasitet låg, tenestene er svake og politisk opposisjon blir undertrykka, men det militære regimet har likevel brei støtte, spesielt i byane. Forklaringa ligg i eit ‘sosialt band’ bygd på sterke fellesskapsforteljingar og symbolsk autoritet som gjer at folk opplever leiarane som dei som forsvarar nasjonen, trass i mangelen på utvikling og stadig valdeleg konflikt.

I Liberia finn avhandlinga ein heilt annan type kontrakt: ein «hands-off» kontrakt, der staten medvite held seg tilbake og uformelle maktnettverk og praksisar får stort spelerom. Innbyggjarane er tilpassa eit styringssystem som i praksis endrar seg lite, trass i store politiske skifte og fleire rundar med omfattande statsbyggingsreformar dei siste tiåra. 

Funna visar at svake statar ikkje nødvendigvis har øydelagde samfunnskontraktar – dei fungerer berre på heilt andre måtar enn dei klassiske vestleg-inspirerte modellane tilseier.