Nattarbeid på Vikafjellet denne veka og neste

– Det vi skal gjera er å skifta ut sikkrenner, altså røyr som leiar vatn under vegen. Fungerande stikkrenner er nødvendig for å sikra vegen og forhindra flaum som kan gje skadar på vegen, seier byggjeleiar Ivar Bergstrøm Lutro i Statens vegvesen.

Arbeidet vil gå føre seg ved Skjelingavatnet og Holeflaten, og krev på grunn av tryggleik periodar med full stenging av vegen.

Arbeidsperiodar

Skjelingavatnet:

Onsdag 30. september til fredag 2. oktober

Arbeidstid: klokka 19.55-06.00

Holeflaten:

Måndag 5. oktober til tysdag 6. oktober

Arbeidstid: klokka 19.55-06.00

Stengings- og opningstider

Vegen vert stengd for all trafikk:

Klokka 19.55-22.55

Klokka 23.30-02.30

Klokka 02.45-05.45

Det vert opna for gjennomkøyring:

Klokka 22.55-23.30

Klokka 02.30-02.45

Etter opningsperiodane held arbeidet fram.

Arbeidet omfattar utskifting av stikkrenner som er avgjerande for å sikre god avleiing av vatn frå vegområdet, seier Lutro fram.

– Stikkrennene fører vatn under vegen og hindrar at vatn samlar seg opp eller skadar vegkroppen. Når slike røyr blir gamle, skadde eller kollapsar, aukar risikoen for erosjon, utvasking av massar og svekking av vegfundamentet. Utskiftinga er derfor nødvendig for å sikre vegen mot framtidige skadar og oppretthalde trygg og påliteleg ferdsel på strekninga, særleg i periodar med mykje nedbør, legg han til.

– Vi oppmodar alle trafikantar om å planleggje reisa i god tid og ta omsyn til stengingane. Statens vegvesen beklagar dei ulempene arbeidet medfører og takkar for tolmodet medan arbeidet pågår, avsluttar byggjeleiar Ivar Bergstrøm Lutro i Statens vegvesen.