No kan du søke om tilskot til kulturarven i 2027

– Kulturmiljøet vårt fortel historier om korleis menneske har levd, arbeidd og skapt lokalsamfunn gjennom generasjonar. Med tilskota ønskjer vi å støtte prosjekt som tek vare på kulturarv og som skapar aktivitet og engasjement lokalt, seier klima- og miljøminister Sigrun Aasland. 

For 2025 var søknadssummen rekordstor med 1,3 milliard kroner. Søknadssummen har auka dei siste åra, og spesielt innan ordninga for verdiskapingsmidlar til dei nye bevaringsstrategiane for bygd og by, landbruk, kyst og næring og industri.  

– Vi er spent på kor mange som vil søke i år, seier riksantikvar Hanna Geiran. 
 
– Kulturmiljø er meir enn spor frå fortida. Dei er ressursar som kan gje oss kunnskap, næringsutvikling, samarbeid og levande lokalsamfunn, og som gjev verdi for både eigarar, handverkarar, næring og reiseliv, seier riksantikvar Hanna Geiran.  

Den nasjonale søknadsportalen for kulturminne, Digisak, opnar 1. oktober. Det er fylkeskommunen som handsamar dei fleste søknadene frå eigarane. Løyvingane blir gitt over statsbudsjettet kvart år. 

Fleire ulike tilskot  

Riksantikvaren har ei rekke tilskotsordningar for kulturminne. Ordningane som har frist 1. november er: 

• Tilskot til verdiskaping i kulturmiljø knytta til bygd og byar, landbruk, kyst, industri og næring
• Freda kulturminne i privat eige, kulturmiljø og kulturlandskap
• Teknisk-industrielle kulturminne
• Freda bygg frå før 1537 i privat eige
• Ruinar og anlegg frå mellomalderen
• Brannsikring i tette trehusmiljø
• Fartøyvern
• Fagutvikling i fartøyvernet
• Verdensarvområdene
• Kirkekunst
• Vedlikehold, dokumentasjon og konservering av stavkirker  

Sjå alle tilskotsordningar frå Riksantikvaren.