1. oktober - Stor markering for dei streikande lærarane i Bergen

Utdanningsforbundet og Unio samlar fagrørsla for ei stor støttemarkering  for dei 12 streikande lærarane ved Bergen Kristne Grunnskole. Lærarane  har no stått i Noregs lengste lærarstreik for å få noko så grunnleggjande som ein tariffavtale.

Leiar i Utdanningsforbundet, Geir Røsvoll, kjem. Det same gjer Steffen Handal, leiar i Unio samt fleire toppar i fagrørsla. Mellom anna kjem Henriette Jevnaker, 1. nestleiar i LO og  Eva Klokkerud, leiar av Spir, forbundet for kyrkjetilsette

Den private kristne skulen, Bergen Kristne Grunnskole, som er arbeidsgivar her   undergrev streikeretten når dei denne hausten har tilset nye lærarar til å gjere jobben dei streikande skulle ha gjort. Dette er streikebryteri av eit slag vi i Noreg ikkje har sett sidan før krigen. Vi vil  vise dei streikande at vi står saman med dei i kampen mot det som i praksis er eit statsfinansiert streikebryteri.

Her finn du heile programmet: https://www.utdanningsforbundet.no/nyheter/2026/stor-markering-for-dei-streikande-lararane-i-bergen

Ønskjer du intervju med Geir Røsvoll eller Steffen Handal kan du ta kontakt med kommunikasjonsrådgjevar Arun Ghosh: 41 217 028

Vi har og fotograf på jobb under heile arrangement og bilder kan fås ved førespurnad til Arun.

Arrangementsansvarleg og kontaktperson i Bergen: Mildrid Beate Kronborg Økland, nestleiar Utdanningsforbundet Vestland: 95 486 308