Pippi er klar for sirkus
10.4.2026 07:00:00 CEST | Det Norske Teatret | Pressemelding
Endeleg nærmar det seg premieren, og Pippi Langstrømpe er klar for å svinge seg i manesjen. Scenen er gjort om til eit fargesprakande sirkus. Her er ekte akrobatar, pudlar, hestar og eit leikent orkester som spelar ny musikk av ABBA-legenda Björn Ulvaeus.
PIPPI PÅ SIRKUS
av av Maria Blom, Björn Ulvaeus & Tilde Björfors
Basert på boka Pippi Langstrømpe av Astrid Lindgren
NOREGSPREMIERE LAURDAG 18. APRIL KL. 17.00
Når Pippi blir med Tommy og Annika på sirkus, vil ho ikkje sitte passiv og sjå på - ho vil vere med! Pippi får møte mellom andre Miss Carmencita, linedansaren Elvira og ein illsint sirkusdirektør. Det blir tumultar og misforståingar - men publikum elskar det!
Pippi er som alltid uredd og handlekraftig, og går ikkje av banen for å snakke dei vaksne imot. Til slutt tek ho utfordringa om å slåst med verdas sterkaste mann.
Suksess i Sverige
Pippi på sirkus hadde opphavleg premiere i Sverige i 2022, og fekk strålande mottaking av kritikarar og publikum. No er Pippi straks klar for å møte det norske folket.
Hovudscenen er fylt med spektakulær scenografi, glitrande kostyme, dyr, spreke artistar, musikarar og skodespelarar som gjer seg klare for å skape vaskeekte sirkus på teater.
ABBA-Björn gler seg til Noregspremieren
- Skal eg verkeleg gå inn og skrive om Astrid Lindgrens karakterar, kan eg verkeleg gjere det? Er det rett av meg å gjere det? spurde Björn Ulvaeus seg da han skulle i gang med å lage ein musikal av Pippi Langstrømpe.
No ser han fram til å komme på premieren for å sjå den norske versjonen av framsyninga han har vore med på å skape.
Les heile intervjuet.
Natalie er Pippi: Bestefar var sirkusartist!
Natalie Bjerke Roland skal dele rolla som Pippi med Catharina Vu. På teaterscenen har Natalie dei seinare åra gjort stor suksess både som Evita og i suksessmusikalen Europavisjonar. På TV har ho hatt hovudrolla i TV2-serien Fling. Men det som kanskje kvalifiserer aller mest til rolla som Pippi, er at ho har ein oldefar som var sirkusartist!
– Da han møtte oldemor, måtte han slutte med sirkuslivet, fortel Bjerke Roland.
Les heile intervjuet.
Sirkusregissøren: Her er alt mogleg
Tilde Björfors har turnert verda rundt med skandinavias første nysirkustrupp, Cirkus Cikör, som ho sjølv var med på å starte, og er professor i faget. No skal ho sørge for at Pippi på sirkus er full av spretne hopp, høge svev og fortrollande kunststykke.
Kontakter
Ida MichaelsenInformasjonssjef
Tel:414 45 345ida@detnorsketeatret.noÅsne Dahl TorpInformasjonsrådgjevar
Tel:986 23 573aasne@detnorsketeatret.noBilder
Følg pressemeldinger fra Det Norske Teatret
Registrer deg med din e-postadresse under for å få de nyeste sakene fra Det Norske Teatret på e-post fortløpende. Du kan melde deg av når som helst.
Siste pressemeldinger fra Det Norske Teatret
Filmatisk Cabaret: Sara Khorami debuterer som musikalskodespelar9.10.2026 07:00:00 CEST | Pressemelding
-Alt eg lagar handlar i botnen om korleis minoritetar blir behandla i samfunnet vårt, seier regissør Kjersti Horn. Dette gjeld også musikalen Cabaret, som rett nok byr på både show og underhaldning. Men under overflata dirrar erkjenninga av at verda er prega av eit ytringsrom som stadig blir innskrenka, at homofile, kvinner og minoritetars rettar er under press og at klasseskilnadane aukar. Som eit ekko av fortida er det igjen mange som ropar på "den sterke mann" som kan rydde opp.
Frå guttastemning til fascisme5.10.2026 07:00:00 CEST | Pressemelding
Army boots, skinhead, bomberjakke og bøllete oppførsel. Før kunne ein kjenne ein rasist når ein såg han. I dag er rasisten forkledd i pene klede, gode formuleringar, konspirasjonsteoriar og statistikk som passar. Dette er den nye fascismen, og landskapet framsyninga «Gutta» ønskjer å undersøke.
Frankenstein: Grøssar-teater for barn21.9.2026 07:00:00 CEST | Pressemelding
Feil Teater har gjennom ei årrekkje vist at dei har god teft når det gjeld å lage teater som treffer dei yngre målgruppene. No har dei tatt ein sjanse, når dei lagar skikkeleg skummelt teater med groteske skrekk-element. Blir publikum sittande?
Er Y2K-nostalgien farleg?3.9.2026 07:00:00 CEST | Pressemelding
Magetoppar, låge bukser og hits frå tidleg 2000-tal er igjen moderne. Folk kjøper CDar og DVDar og byter ut smart-telefon med knappetelefon for å logge av ein stressande kvardag. Tani Dibasey, Io Sivertsen og gjengen bak teaterframsyninga - eller kinofilmen - 2002 ntoro yume tek skrittet fullt ut og gjenskapar nokre av filmane som prega 2000-talet. Men er romantiseringa av fortida eigentleg sunn?
Khemiris suksessroman i storformat31.8.2026 07:00:00 CEST | Pressemelding
Jonas Hassen Khemiris storverk Søstrene spinn ut frå nyttårsaftan 2000 og følger tre søstrer gjennom fest, kvardag og nederlag. I 2025 kåra The New York Times romanen som ein av dei ti beste bøkene det året. Eit sterkt skodespelarlag skal no formidle den rike historia som får urpremiere på Hovudscenen 5. september.
I vårt presserom finner du alle våre siste pressemeldinger, kontaktpersoner, bilder, dokumenter og annen relevant informasjon om oss.
Besøk vårt presserom